المصريين
مرحبا بك في منتدى المصريين


اهل الكرم
 
الرئيسيةس .و .جبحـثالتسجيلدخول
<div style="width:800px"><style>.mcrmeebo { display: block; background:url("http://widget.meebo.com/r.gif") no-repeat top right; } .mcrmeebo:hover { background:url("http://widget.meebo.com/ro.gif") no-repeat top right; } </style><object width="800" height="500" ><param name="movie" value="http://widget.meebo.com/mcr.swf?id=AFRITwnoko"/><embed src="http://widget.meebo.com/mcr.swf?id=AFRITwnoko" type="application/x-shockwave-flash" width="800" height="500" /></object><a href="http://www.meebo.com/rooms" class="mcrmeebo"><img alt="http://www.meebo.com/rooms" src="http://widget.meebo.com/b.gif" width="800" height="45" style="border:0px"/></a></div>

شاطر | 
 

 @ عمرو دياب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ترافولتا
مشرف
مشرف
avatar

عدد المساهمات : 699
تاريخ التسجيل : 15/01/2010

مُساهمةموضوع: @ عمرو دياب   الإثنين سبتمبر 13 2010, 11:00



عمرو عبد الباسط عبد العزيز دياب (معروف بـ عمرو دياب) اتولد يوم الاربع 16 اكتوبر 1961 وهو مغني مصرى ومن انجح المغنيين العرب وقدر يوصل للعالمية. والبوماته حققت مبيعات هايلة في مصر و بره مصر.أغانيه اترجمت لعده لغات منها الإنجليزية والروسية والكرواتية والبلغارية والتركية والألبانية والهندية. واتميز عمرو دياب انه بيجدد في اغانيه وبيدخل الات جديده في المزيكا بتاعته. وخد جوايز كتير فى مشواره الفنى منها وورلد ميوزيك اوورد World Music Awards‏ خدها اربع مرات مره في سنة 1996 ومره تانيه في 2002 ومره تالتة 2007 و رابعة 2009 عشان مابيعاته كانت اعلى نسبة مبيعات فى الشرق الاوسط.

عمرو دياب بدا مشواره الفني من 26 سنة من سنة 1983 وكان اسم الالبوم يا طريق واخر البوم ليه اسمه اصلها بتفرق سنة 2010.

المحتويات [تخبية]
1 بدايه حياته
2 حياته الفنيه
3 البوماته
4 أهم أغانيه
5 الملحنين والشعرا والموزعين
6 فيلموجرافيا
7 شوف كمان

بدايه حياته
اتولد عمرو دياب يوم الأربع 16 اكتوبر سنة 1961 في مدينه بورسعيد. والده من منيا القمح سنهور الشرقيه و والدته من بورسعيد. والده عبد الباسط عبد العزيز دياب كان بيشتغل رئيس الانشاءات البحريه وبنا السفن في شركه قناه السويس. وكان صوته حلو ودا خلاه يشجع ابنه عمرو على الغنا ولما عمرو بقى عنده ست سنين خده مهرجان 23 يوليو 1967 في بور سعيد وخلاه يزور محطه الاذاعه المحليه. وكان اول حاجه غناها في الإذاعه هو النشيد الوطني المصري بلادي بلادي. محافظ بور سعيد عجبه قوي صوت عمرودياب واداله قيثاره هديه.

عمرو دياب في الاول اتجوز المذيعه شيرين رضا وخلف منها بنته نور سنة 1990 وبعد كده سابو بعض واتجوز واحد سعوديه اسما زينه محمد عاشور وخلف منها توأم هما عبدالله وكنزي سنة 1999 وبعد كده خلف جنى سنة 2001.

حياته الفنيه
سنة 1982 راح المعهد العالي للموسيقى العربيه في القاهره.
سنة 1983 عمل اول اغنيه ليه اسمها الزمان كتبهالو: هاني زكريا ولحنها: هاني شنوده. وبعد كده عمل البومه الاولاني اللي اسمه يا طريق وكان دا في نفس السنة.
سنة 1985 عمل البومه التاني غني من قلبك.
سنة 1986 اتخرج بامتياز مع مرتبه الشرف وعمل البوم هلاهلا.
سنة 1976 عمل البوم خالصين بس قبله كان عامل قبله البوم مش رسمي اسمه اسف لا يوجد حل اخر.
سنة 1988 عمل البوم ميال. وكمان اشترك في فيلم مع الهام شاهين ويوسف شعبان في فيلم السجينتين وكانت دي اول مره يطلع فيها في السينيما.
سنة 1989 اترشح عشان يمثل مصر في بطوله الأمم الافريقيه الخامسه وغنى بالإنجليزي والفرنساوي.
وكانت حفله متزاعه على الاقمار الصناعيه (ساتالايتات) في الوطن العربي[عايز توضيح] وجت برضو على السى ان ان وبعد كده نزل البوم ماتخافيش والناس شافته في امريكا الشماليه. بعدها عمرو دياب كان اول. والحفله دي تزاعت في العالم العربي[عايز توضيح] كله وعلى السي ان ان. وبعد كده عمل كليب لأغنيه متخافيش وصورها في بيته في القاهره وطلعت فيه مراته القديمه شيرين رضا.

سنة 1991 شركه صوت الدلتا انتجتله البوم حبيبي ودي كانت اول مره يستخدم الة الساكسفون.
سنة 1992 عمل البوم ايامنا, اللي وزعه حميد الشاعري وكان في الألبوم دا اغنيه الماضي اللي كانت مشهوره قوي. اشترك في فيلم ايس كريم في جليم مع شويه نجوم سيمون وعزت ابو عوف وحسام حسني واشرف عبدالباقي وجيهان فاضل وحسين الامام وعلاءولي الدين الله يرحمه.
وكان المخرج هو خيري بشاره ونزل البوم فيه اغاني الفلم في نفس السنة.

سنة 1993 نزل البوم يا عمرنا عشان يثبت شعبيته مع الجماهير وكانت الناس بتحب قوي اغنيه كان عندك حق.مهرجان القاهره السنيمائي افتتحوه بفيلم عمرو دياب ضجك ولعب وجد وحب مع يسرا والممثل العالمي عمر الشريف واخرجه طارق التلمساني اللي دي كانت اول مره يخرج فيها.
سنة 1994 عمل البوم ويلوموني وكان اول مره يستخدم الجيتار الاسباني ونزل برضو البوم زكريات اللي كان فيه اغاني فيلم ضحك ولعب وجد وحب.
سنة 1995 عمل البوم راجعين وانتجته صوت الدلتا.
سنة 1996 عمرودياب راح عالم الفن وعمل هناك البوم نور العين اللي كسر الارقام القياسه في العالم العربي[عايز توضيح] وخد عشان كده جايزه الميوزك اوورد( اللي بيدوها للي عنده اكبر مبيعات في المنطقه). كمان اغنيه نور العين كانت منتشره في كل انحاء العالم.
سنة 1997 نزل البوم في ريمكسات لاغنيه نور العين بالانجليزي.وكانت الأغنيه دي مشهوره جدا في ساحات الرقص في اوروبا وخد عمرودياب تلات جوايز بتاعت احسن فيديو كليب,احسن اغنيه,الفنان بتاع السنة في المهرجان العربي الثانوي.
سنة 1998 عمل البوم عودوني وكان البوم جامد جدا والكليب كان ناجح جداوخد عمرودياب جايزه جوايز مانكو العالميه,والكليب اتصور على شط النيل.

سنة 1999 غنى اغنيه انا مهما كبرت صغير تقدير للفنانين الكبار زي ام كلثوم وعبدالحليم. وبعدها نزل البوم قمرين في شهر يوليو وعمل فيه دويتو مع المغني الجزائري الشاب خالد في اغنيه قلبي. وعمل اغنيه تانيه مع المغنيه اليونانيه انجيلا.وبعد كده راح امريكاهو وعيلته وخلفو عبدالله وكنزي في 4 ديسمبر في واشنطن.
سنة 2000 نزل البوم تملي معاك اللي عمل نجاح كبير قوي في مصر والعالم العربي[عايز توضيح] وصور اغنيتين من الالبوم دا هما تملي معاك وصورها في التشيك والعالم الله والاغنيتين دول اتغنو في حتت كتيره في العالم وبعده لغات.
سنة 2001 عمل كليب القدس دي ارضنا وخد عليه احسن فيديو كليب في مهرجان الفيديو كليب العربي في الإسكندريه وكان الكليب من اخراج شريف صبري.
وعمل البوم اكتر واحد بيحبك اللي فيه اغنيه انا عايش اللي اتصورت في لندن وكان الغنيه دي فيها مزيكا التكنو والكزيكا العربيه واتعاون فيها مع مغنى الراب ساند مان المصري الاصل واسمه احمد الغزالي.

سنة 2002 عمل حفلات كتير في مصر ولبنان والكويت. وفي سته كارس خد جايزه الموزيك اوورد للمره التانيه وكان الجابزه دي مهمه قوي لعمرودياب عالميا.
سنة 2003 نزل البوم علم قلبي وراح عمل حفلات في الخليج في دبي وعمان وبعد كده راح شرم الشيخ والاردن وماريناودمشق. وبعدين عمروياب يسيب محسن جابو وعالم الفن.
سنة 2004 مضى عمرودياب العقد مع شركه روتانا ويسيب عالم الفن وظهر في حفلات ليالي دبي وهلا فبراير في الكويت وعمل البوم ليلي نهاري وصور الفيديو كليب في لبنان مع المخرج كاميرون كاسي وبعد كده عمل حفلات في قرطاج وسوريا, وبعد كده راح عمل خفلات في امريكا اوروبا واستراليا.

سنة 2005 نزل البوم كمل كلامك وصور اغنيه وماله في لندن واخرجه لؤي حيدر.
في سنة 2007 نزل البوم الليلادي اللي عمل مابيعات كبيره جدا لدرجه انه اتباع 2 مليون نسخه في القل من اسبوعين. وصور اغنيه نقول ايه واخرجه مروان حامد وطلعت معاه الممثله الامريكه Natalie Martinez اللي مثلت في مسلسل fashion house بكده استحق عمرودياب للمرت التالته جايزه المويزك اوورد وبقى كده المغنى العربي[عايز توضيح] الوحيد اللي خدها اربع مرات.

سنة 2009 نزل البوم وياه اللي كان تحفه فنيه واتكلم عليه ناس عالمين كتير وحقق نجاح كبير جدا واتباعت منه اكتر من 3 مليون نسخه و خد ميوز اوورد 2009 للشرق الاوسط و خد جايزة افريقيا ميوزك اوورد 2009 لاعلى مبيعات في افريقيا و الشرق الاوسط. سنة 2010 نزل البوم فيه اغنيه سينجل اسمها اصلها بتفرق مع ريمكس ليها وكارووكي.
حقق مبيعات كتير على الرغم من انها اغنيه واحده. برضو عمرودياب نزل اول موبايل يحمل اغانيه وڤيديوهاته وازاعته دياب اف ام.

البوماته
اصلها بتفرق (فيه اغنيه واحده) 2010
وياه 2009
الليلادي 2007
كمل كلامك 2005
ليلي نهاري 2004
علم قلبي 2003
أكتر واحد 2001
تملي معاك 2000
قمرين 1999
عودوني 1998
نور العين 1996
راجعين 1995
ويلوموني 1994
ذكريات 1994
ياعمرنا 1993
أيامنا 1992
أيس كريم في جليم 1992
حبيبي 1991
متخافيش 1990
شوقنا 1989
ميال 1988
خالصين 1987
هلا هلا 1986
غني من قلبك 1984
يا طريق 1983
[تعديل] أهم أغانيه
ميال
نور العين
تملي معاك
قمرين
عودوني
قلبي اختارك
العالم الله
بعترف
وهي عاملة أيه
وحشنيني
تنسى واحده
قصاد عيني
ريحة الحبايب
خد قلبي معاه
ليلي نهاري
بتخبي ليه
معاك بجد
الملحنين والشعرا والموزعين
الملحن والموزع هانى شنوده مكتشف عمرو دياب هو أول واحد يقدمه للجمهور ولحن ووزع أول البوماته (يا طريق)
الشاعر والملحن رامي الجراح
الملحن عمرو مصطفى
الشعرا: عادل عمر، مدحت العدل، بهاء الدين محمد، أيمن بهجت قمر، أحمد شتا، مجدي النجار، خالد تاج الدين، تامر حسين، هانى عبد الكريم
الملحن محمد رحيم
وملحن بدري كلباش
خالد عز
الموزع حسن الشافعي
[تعديل] فيلموجرافيا
تمثيل

ضحك ولعب وجد وحب (1993).... أدهم
آيس كريم فى جليم (1992).... سيف
العفاريت (1990).... عمرو دياب
السجينتان (1988).... علي
آسف..لا يوجد حل [مسلسل] (1987)
مــــــنقـول
الرجوع الى أعلى الصفحة اذهب الى الأسفل
 
@ عمرو دياب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
المصريين :: المصرين المتخصصه :: قسم الفنون-
انتقل الى: