العلاقة الزوجية لازم تكون مبنيه مش على الحب بس ولكن كمان على التفاهم وعلى الاهتمام لازم كل طرف يهتم بالتانى
مش كل واحد مشغول بهمه ومش مهتم بالتانى كده مينفعش كده هتكون الحياة ممله وفيها زهق ورتابه
لازم كل واحد يهتم بالتانى وخاصة الزوج الزوج فاكر انه فى الشغل ومشاكله يبقى محدش يكلمه ولا ييجى عنده
ولو جت الزوجه عنده تبقى مشكلة وهوه متضايق هيكون الرد بارد ويبقى مش طايقها ولا طايق البيت
وخاصة كمان لو الزوجة مش بتشتغل لأن عندها وقت فراغ كبير وبتبقى مستنياه بفارغ الصبر
ولكن تتفاجأ بالفتور والرد الجاف عليها ده بيخلى الزوجة فى قمة عصبيتها وكده هوه مش بيحسسها باهتمامه بيها
بل بالعكس ده بيخليها تكره الدنيا كلها بالرغم انه لو حن عليها بكلمه واحده بس بتبقى فى قمة سعادتها
وتتغير كل حاجه وتتغير ملامحها وتبقى اللى كانت كارهه الدنيا بقت فى قمة السعادة والدنيا مش سيعاها
يا ريت كل زوج يحس بزوجته وخاصة لما تكون الزوجة بتعتبرة كل شئ بالنسبه لها لما ما بيحسش بيها ولا يهتم
فعزرا لهزا الرجل ازا زهبت لاخر يهتم بها ويشعرها باهتمامه بها ويشعرها بانوثتها
والله الستات دول ممكن الرجل يضحك عليهم بكلمة حلوة فيها ايه لو قالها اكيد الدنيا مش هتتهد مش كده برضه ولا انتو
مش معايا فى كده
